صينية اللحم المفروم بالفرن بطريقتي الخاصه

اول حاجة هنسلق البطاطس نصف سلقة يعنى تكون لسة جامده نفسها علشان متتهريش

-بعد كدة نقشرها بالقشاره

بعد كدة هنقسمها نصين و يفضل تكون البطاطس من النوع الطويل و نبتدى نشيل البطاطس من جوا

– و علي طاسة علي النار هنحط حوالى ٤ معالق سمنة و و نحمر البطاطس يعنى تأخذ اللون الاصفر الذهبي و نشيلها

اللحمه هنبشر بصلة صغيره و ثم هنحط البهارات و البقدونس و اللحمه و نعصجها بس لازم متكونش مستوية علي الاخر تكون بها سوائل

هنفرم ٣طماطم و نحط عليهم البابريكا و ملح و ثم عن نفس الطاسة اللى حمرنا بها البطاطس هنقطع فصين ثوم و نحمرهم و ثم هنحط عليهم عصير الطماطم و نسيبها تغلى ٥ دقيقة و ثم نقفل قبل ما تتسبك

 نحشى البطاطس باللحمة و نرصهم فالصينية و ثم هنصب عليهم عصير الطماطم و نسوية شوية علي البوتاجاز و ثم هنرش الموتزريلا و ندخلة الفرن اول ما الموتزريلا نسيح و تحمر شوية كدة تبقي جاهزه