اه من جمال ورق العنب , ورق عنب لذيذ ملضلض وحامض ولا يحتاج ليمون
من اطعم الاكلات المحببة للكبار والصغار ولا تختلف عليها احد اليكي طريقة
سهلة وطعم تحفة
السلام عليكم ورحمة الله وبركتة
اليوم معي ورق عنب حبيبب الجميع لكن غير عن كل ورق العنب حامض
ملضلض مايحتاج ليمون يعني موجود عندك ليمون عندك ليمون ما يهم
سهلة وبسيطه يعني ماياخذ وقت في التجهيز وبهاراتة خفيفة جدا جدا
وفية مرقة للي يحب
البطاطس حلو انا بحط بطاطس زيادة بس حقي والكل يحب طريقتة كانت
عندي طريقة ثانية بس سبتها بالثنتين ما احد يذوقة مايطلبة مرة ثانية
بصراحه للذيده
المقادير
بطاطستين مقطعة حلقات
غرشة ورق عنب
3 كوب رز مصري مغسول
معلقة كبيرة مليانة لفوق كلا من (سماق-ملح الليمون)
معلقة شاي زيت زيتون
بصل وسط مقطعة صغير
طماطم وسط مقطعة صغير
شوية كزبرا اوبقدونس يعني ملعقتين
طرف ملعقة الحلا الصغيرة كمون
طرف م الحلا فلفل اسود انا ما احطة في داخل العيش
خلطة الماء
نصف بطرمان صلصلة (يعني نص علبة ابو ريال مو اكثر علشان يعطيك لون
برتقالي
ملعقة مليانة ملح الليمون
طرف معلقة كمون
طرف معلقة فلفل اسود
انا احط زيادة من عندي ملح عادي بس ما اكثر
بيالة ون زيت زيتون
مكعب ماجي
نص ملعقة نعناع مجفف(اختياري بس يعطي طعم احلى
بغرشة ورق العنب نفسة نستخدمها كمعيار للماء نعبيها مرة ونص ماء يعني
غرشة ونص الغرشة ماء
الطريقة
نخلط مقادير العيش ونحشي ورق العنب ونوضعة على حلقات البطاطس
المرصوص بقاع الصغرية
وبعدين ننثر علية النعناع ونفتت علية مكعب الماجي ونكب علية زيت
الزيتون
باقي المواد نذوبها في الماء
نجيب الثقالة ونحطها فوق ورق العنب علشان تضغطة ولايتفكك اثناء
الطبخ ونكب علية خلطة الماء
ونقصدر الصفرية ونرفع عليها النار لين يغلي بعدين ننزل علية النار مرة
مرة وبتاخذ معاك لين تنضج من 2 ساعة الى 4 ساعات على حسب
قوة النارنجي للصور
الرز جاهز للحشو
هاذا اثناء رص ورق العنب بعد لفة على البطاطس
هاذي مساعتي الصغيرة تساعدني
هاذي بعد ما حطيت علية النعناع ومكعب ماجي
هاذي رصيتة بالثقالة واللي ماعندة يحط صحن
نا سويت الخلطة وشوفوا كمية ملح الليمون كبيرة طبعا على حسب
الذوق الكمية اللي فوق يعطي حامض مايحتاج ليمون بس انتي وذوقك
شوفوا كمية فلفل الاسود قليلة جدا
هاذا لما ستوا السواد اللي فوقها علشان اني خليتة من 4 العصر
لين 10 الليل نسيتة هو بس اربع ساعات كل مرة مايستوي لون كذا
ورق عنب لذيذ ملضلض وحامض ولا يحتاج ليمون
ورق العنب للذيذ ملضلض وحامض ولا يحتاج لليمون