سويت عملية ازالة لحمية من الرحم بالمنظار تعالو شوفوا تجربتي

مشاكل الرحم وعلاجها بالمنظار ,سويت عملية ازالة لحمية من الرحم

بالمنظار تعالو شوفوا تجربتي

ان معظم السيدات تعاني من مشاكل من الرحم ولكن

دائما يتخوفي من دخول العمليات ولكن المنظار سهل

كتير

اخواتي الغالين في كتير اخوات بيسالو عن عملية المناظير خايفين وعايزين

يطمنوا وانا حابه اقولكم ليكم تجربتي ذي ماهي بالتفصيل……..بسم الله

نبداء في البداية انا متزوجة لي 4 سنين من غير حمل واخدت منشطات

كتير من دون فايده..اخيرا قررنا نمشي لي دكتور توفيق جعفر في

مستشفي سليمان الحبيب بالرياض…دكتور ماشاء الله عليه خبرة طويله

في مجال العقم وراجل اخلاق …يلا ماعلينا روحت تاني يوم للدوره وعملت

سونار مهبلي عندهم بعد ماشاف الدكتور النتيجه قالي انت عندك كيس

كبير بالمبيض الايسر حجمه 5×5 ولازم يتشال بالمنظار يعني عملية

ياخرابي عملية وعاد وشي جاب كمية الوان …طيب دكتور ينفع اي علاج

اصلا انا بخاف موت من الحقن والسيرم وغيرها …..قال لي اخاف اديك علاج

ويطول وفي الاخر نلاقي الكيس زي ماهو واكون ضيعت عليك مده طويله

…ييلا خدوا وقتكم وفكرو واذا استقريتوا علي العملية تعالوا لي….. رحنا

البيت وانا كاني ما ماشيه علي الارض هايمه وسارحة وكلش تفكير خوف

وقلق بس خلوها علي الله ….اخيرا توكلنا علي الله وقلنا الفيها الخير والي

عايزة رب العباد……….مشينا قابلنا الدكتور وقلنا ليهو خلاص نعمل العملية

…. طبعا انا كنت فاكره المناظير بيتعمل بالمهبل ….قالي الدكتور هو منظار

بطني بتعمل تحت بنج كامل ومعاه تنفس بالاكسجين لانو بنضخ ثاني

اكسيد الكربون في تجويف البطن وبيضغط علي الحجاب الحاجز وبيصعب

التنفس عشان كده بنعطي تنفس وبنج كامل … المهم حجزنا للعملية

وبعدها قابلت اخصائية التخدير سالتني كم سوال (عندك اي حساسية تجاه

اي نوع من الادوية—بتستعملي اي ادوية—-عندك عدسات او اسنان

تركيب—-هل سويتي عمليه قبل) وبعدها اكدتلي مواعيد العمليه يوم

الثلاثاء 9 صباحا والحضور قبلها بساعتين واكون صايمه من قبل 8 ساعات…

المهم حضرنا المستشفي 6 صباحا واستلمتني الممرضة ودتني علي

غرفتي وسلموني عدة العمليه خخخخخ وانا ياحليلي اتلفت واهدهد من

الرعب المهم لبست المريله ولوازمها وفضلت منتظره شويه وجات الممرضه

التانيه قاست الضغط والحراره وركبتلي فراشه للسيرم والحقن ……..علي 8

ونص جالك الموت ياتارك الصلاه جوا اتنين ممرضات وخدوني بالسرير لغرفة

الانتظار شويه والا الغرفة تتملي بشباب جنوب شرق اسيا كاني في

الفلبين المهم دخل علي دكتور تخدير سوري وتاني نفس الاسيئله عن

حساسية الادويه وغيره المهم طمني وقالي عمليتك بسيطه لا تخافين

وطل علي دكتور توفيق اطلع علي تقريري وقالي توكلي علي الله كلش

بسيط ….المهم ودعت بعلي ياحليله بنشل من الخوف ….وخدوني علي

غرفة العمليات ياويللللللللللللللللللللي ثواني والاقي كل حدا ماسك جزء

فين اللي ماسك اليد واللي تركب شي عند الرقبه اظن قاري النبض واللي

يركب التنفس ..قالي طبيب التخدير انتي خايفه قلت لا سبحان الله لحظتها

جاني يفين وثبات غريب توكلت علي الله وقالي خدي نفس خديت نفس

وبس سمعته يقول اللهم لاسهل الا ماجعلته سهلا وتاني ماوعيت علي

شي الا صوت بعييييييييييييييد يقولي حمد لله علي سلامتك باسمي

وتاني رحت……بعدها وقت طول صحيت علي صوت دقات قلبي من الجهاز

وحواليني الممرضات اول من فتحت تكلموا معاي وسالت انا خدت كم داخل

العمليه قالت لي 50 دقيقه وفي الافاقه 30 دقيقه يعني من 9 طلعت 11

ونص المهم رجعوني علي غرفتي واللهم لك الحمد والشكر لا الم ولا شي

كلو تمام الحمد لله بس لما حبيت اروح علي الحمام تالمت شوي لما جيت

اقوم من السرير الممرضه قالتلي لانك قمتي فجاه بس…. خدت ليله

عندهم واليوم التاني زارني دكتور توفيق وقالي عمليك بسيطه ازلنا الكيس

وكان في لحميه صغيره جوه الرحم كمان ازلناها وبالمره حقنا صبغه في

الانابيب والحمد لله الانابيب ممتازه كل الصبغه نزلت في الحوض اللهم لك

الحمد ….وبس اخدنا العينه وراحت المعمل عشان نطمن انو مافي خلايا

سرطانيه….. وتقابلين بعد اسبوعين…. قابلت بعد اسبوعين والشكر والحمد

ليك يارب طلعت العينه سليمه اللحميه اورام ليمفويه حميده والكيس طلع

كيس وظيفي عادي يعني مافي شي يتخاف منه ولا عطاني ولا حبه لا

كلوميد ولا خرابيط قالي روحي واذا لا قدر الله ما حصل حمل هادا الشهر

تعالي زيارة لاني مااحب اضغط علي المبايض……طبعا العمليه عباره عن

تلات فتحات 2 بالجنب واحده تحت السره والتامت الجروح بسرعة خياليه

الحمد لله طبعا الفتحات دي بممروا الاجهزه عبرها وقالي الدكتور بعد يومين

من العمليه تمارسين حياتك عادي حتي ممكن تجامعين ….اجامع قال اي

…خلاص مافيك شي والجروح ماتعور…المهم الحمد لله انا عملت العمليه

فبل 21 ويوم والان ان تمام بنعمة ربي بس ربنا يتمم علي نعمتو واطلع

حامل ربي لاتذرني فردا وانت خير الوارثين…. وللفائده حاوريكم تفاصيل

تكلفة المقابله و العمليه…. مقابلة الطبيب 260 ريال سونار 230 ريال

فحوصات الدم 275 ريال العملية + غرقة خاصة لمدة يوم واحد 11500 ريال

العمليه + غرفة مشتركه مع 3 اشخاص 10450 ريال الغرفة الخاصة اليوم

1050 ريال رسوم العينه للمختبر 750 ريال طبعا العمليه كانت في

المستشفي اللي في العليا وربي مستشفي وخدمات ماشاء الله عليهم

مافيهم شي يتعيب الا بس شوي غاليين… زوجي ربنا يعطيه العافيه

ويخلف عليه خير وربنا وحدوا يعلم كيف دبرنا المبلغ الكبير هذا في ظرف 6

ايام يعني نحن تخطينا ال 13 الف ريال …..يلا اي سوال انا حاضره وربي

يفرج علينا وعليكم قولو امين يارب