البشره صارت روعه ومرمر من ليزر الفراكسل

البشرة وجمالها مع ليزا الفراكسل, البشره صارت روعه ومرمر من ليزر

الفراكسل

ستدتي الجميلة اليكي ليزا يجعلة بشرتك اكثر من روعه عن تجربه

كثير حق الذي يعانون من آثار حب الشباب والكلف والتجاعيد البسيطة آنا

كنت اعاني من حب الشباب من كان عمري 13 سنة وتم معاي حب

الشباب اكثر من عشر سنين لما عالجت بحبوب روأكوتين وراحت الحبوب

وتركت آثارها على بشرتي ودمرت ونفسيتي وما خليت طبيب من قنال و

احمد رشيد ماكو فايدة تقشير كيميائي ومو كيميائي هم كان لهم فايدة

يتحسن الملمس بس الحفر ما تتغير واكثر مكان بالخد قريب عالأذن وفي

مرة كنت رايحة لدكتور محمد عبدالله اللي بعيادة اوباجي بالشعب وكنت

رايحة اطق بوتكس للخط اللي بين حواجبي لأني دايما مكشرة المهم لما

شافني قاللي آنا عبالي انتي يايه عشان آثار حب الشباب وقلتله آنا زهت

من هالمشكلة واستسلمت ان ما في حل لها وهني قاللي عن اختراع

عجيب اسمه فراكسل واهو عبارة عن اشعة ليزر تحل مشكلة الآثار والكلف

والتجاعيد وقاللي لا تستعيلين فكري وسألي وبحثي بالأنترنت عن

هالموضوع وبعد البحث توكلت على الله وخذيت موعد ولازم تروحي قبل

الموعد بساعة ونص عشان التخدير الموضعي وابر التخدير في الأماكن اللي

فيها الآثار عميييقة وكانت الجلسة عبارة عن عذاااااب والالم والجهاز مؤلم

تحسين كأنه يغرس ابرة حاااااارة بويهج وطول الجلسة ودموعي تصب

ومنهارة لأني ما تخيلت الألم جذي وشفت اللم بعد الجلسة واخترعت لأنه

كان وااااارم واحمر كأني مسوية عملية مو جلسة ليزر وطلعت ابجي واقول

بعد مستحييييل اعيدها لأنه اهو قال احتاج اربع جلسات بس والله طالعة

ودموعي على خدي حتى الدكتور وصلني لباب سيارتي من كثر ما كنت

منهاااااارة وطبعا طول الطريج حاطه الثلج على ويهي وحراااارة رهيبة لمدة

3ساعات وبعدين خفت الحرارة بس تم ويهي وااااارم لمدة 4 أيام منخشة

بالبيت وبعدها كان ويهي جاف وفيه قشور خفيفة وعلى طول حاطة حماية

حتى وآنا بالبيت ادري للحين ماكو شي يشجع بس بعد اسبوعين تقريبا ولا

ويهي مو ويهي والحفر خفت بنسبة 60% تقريبا مو نفس ما قاللي 20%

بكل جلسة وسكت ونطرت الناس يقولون لي ولا فعلا النتجة تحفة ما كنت

مصدق بشرتي صارت جذي خواتي امي اهلي كلهم مستغربين من النتيجة

لدرجة ريلي يقول آنا لازم اروح حق الدكتور واشكره (وقبل يقوللي

ماتحتاجين العيار) وسويت الجلسة الثانية وناطرة الجلسة الثالثة بعد

اسبوعين مع ان الكل يقول ما احتاج بس بتأكد ادري صرات بشرتي مرمر