صينية بطاطس ولا الذ , صينية اللحم المفروم بالفرن بطريقتي الخاصه
طريقه عمل اللحم المفروم فى قوالب البطاطس بطريقتى الخاصه
- كيلو بطاطس متوسطه الحجم
- جبنة موتزاريلا
- طماطم
- 200 جرام لحم مفروم
- فلفل اسود
- زنجبيل
- ملح
- ورق لورا
- ثوم
- بقدونس
- ملعقة صغيرة بابريكا
الطريقه
اول حاجه هنسلق البطاطس نص سلقه يعني تكون لسه جامدة نفسها علشان متتهريش
-بعد كده نقشرها بالقشاره
بعد كده هنقسمها نصين و يفضل تكون البطاطس من النوع الطويل و نبتدي نشيل البطاطس
من جوا
– و على طاسه على النار هنحط حوالي ٤ ملاعق سمنه و و نحمر البطاطس
يعني تأخذ اللون الاصفر الذهبى ونشيلها
اللحمة هنبشر بصله صغيرة و بعدين هنحط البهارات و البقدونس و اللحمة و نعصجها بس
لازم متكونش مستويه على الاخر تكون فيها سوائل
هنفرم ٣طماطم و نحط عليهم البابريكا و ملح و بعدين عن نفس الطاسه اللي حمرنا
فيها البطاطس هنقطع فصين ثوم و نحمرهم و بعدين هنحط عليهم عصير الطماطم و نسيبها
تغلي ٥ دقائق و بعدين نقفل قبل ما تتسبك
نحشي البطاطس باللحمه و نرصهم في الصينيه و بعدين هنصب عليهم عصير الطماطم ونسويه شويه
على البوتاجاز و بعدين هنرش الموتزريلا و ندخله الفرن اول ما الموتزريلا نسيح و تحمر
شويه كده تبقى جاهزه
