انا وزوج اختي تحت سقف واحد , تعبت من حياتي وكرهت امي زوجتني غصب بزوج
اختي الله يرحمها
ابغي افضفض معكم لاني وصلت لاقصي درجات اليأس والاحباط واحس جياتي ما الها معني ولا
يوجد اي هدف اعيش له
لاقول لكم الي في قلبي اعيش في حزن ويأس ةهم والسبب اهلي الله لا يسامحهم
والله العظيم تمر علي اوقات اجلس اتحسب فيها وكرهت امي وابوي اختي الكبيره ماتت وتركت
لنا ست اطفالها وكانو عايشين معانا ونحبهم ونراعاهم انا واختي اصغر مني بعد وفاة اختي
بثلاث سنوات خطبني اخو صديقتي وانا بصراحه اعجبت بيه واحببته وكنت اتمناه من كثر ما
تتكلم عنه اخته وادعي ربي يكون من نصيبي والحمد ربي ربي استجاب دعائي وخطبوني واهلي
وافقو عليه وكانو ينتظرون اخلص دراستي من الجامعه عشان نملك تخرجت هاذي السنه وانا كنت
مرتاحه لاني ارتحت من الدراسه وبملك وبتزوج تفأجات بتصال من صديقتي حزينه وغاضبه وتهاوشني تقولي
انا امي كلمت امها وقالت لها خلاص مافي نصيب لكم عندنا الله يرزق ابنكم ببنت
غير بنتي تقولي الزواج مو لعبه زعلت مني وسكرت في وجههي كلمت امي ليش سويتي
كذا قالت لي لانا نبي نزوجك فلان (تقصد زوج اختي الله يرحمها ) انا قلت
حق امي من جد تتكلمين لا اكيد تمزحين قالت لي اتكلم جد بتتزوجينه عشان اطفال
اختك طيب انا وش ذنبي اتزوج واحد اكبر مني بعشرين سنه واربي ست عيال ويحرموني
من حبيبي اللي تمنيته ويحرموني اعيش حياتي كلمت ابوي اني مو موافقه وقلت له ما
ابي اتزوجه وخل العيال نرعاهم ونهتم فيهم معانا اتقتنع ابوي بكلامي بس امي ما اقتنعت
كلمت خوالي واجتمعو كلهم وقنعو ابوي مره ثانيه وقالو له رجال له سمعه طيبه ما
شفتو منه الا كل خير زوجه بنتك الثانيه عشان عيال بنتك وصدقني بيتقي الله فيها
وماراح يقصر معاها والرجل ما يعيبه سنه ,, سمعتهم بنفسي كنت وافقه جمب الباب اسمع
وش يقولون الله لا يوفقهم كلمت صديقتي اقول لها مالي ذنب في الي صار واستغربت
اني بتزوج زوج اختي الله يرحمها وقالت لي في وحده من قريباتي زوجها متوفي وما
عندها عيال وعمرها فوق الخمس وثلاثين قولي لامك عنها وصديقني اذا تزوجها بتربي عياله وبتحبهم
لانها حنونه وطيبه وبتتقي الله فيهم قلت حق امي قالت لي لا لالا ما احد
يريبي عيال احد والعيال خالتهم اولى فيهم وفي تربيتهم وقالت لي لو كنتي ملكه او
متزوجه كان ازوجه اختك التانيه يعني فينا فينا لازم يتزوج وحده فينا تعبت وتعبت نفسيتي
وصلت لمرحله اني فكرت في الانتحار وانهي حياتي حرمت نفسي من الاكل والشرب وتقولي امي
سوي الي تسوينه بتتزوجين بتنزوجين ملكت ورحت معاها من غير زواج ولا فستان ولا شي
جلست يومين وبعدين خذ العيال ورحنا بيته احنا ساكنين في الرياض وهو في الشرقيه من
جيت معاه بيته وانا حاسه بتعب مااني قادره اتحمل مسؤليه ست عيال وزوج اختي السابع
تنظيف وطبخ ودراسه وهواش والله ما احط راسي على المخده الا وانا جسمي متكسر تعب
والم وربي تعب مالي اي علاقه بزوجي ما اجلس معاه لاني ما حبيته وما احب
اشوفه اذا شفته جالس في اي مكان انفر منه اسوي نفسي مشغوله واروح مكان ثاني
هو ينام في غرفه وانا ما انام الا اذا راح فالنوم او انام مع العيال
واحس له كم يوم يحاول يتقرب مني ويبي يدلع حاله وانا اتهرب منه ما ابيه
ما حبيته لي خمس شهور مو قادره اتأقلم مع وضعي احس اني مقهوره ضلموني اهلي
وحرموني ما اجمل ايام عمري ايام الخطوبه والزواج حرموني من اني البس الفستان الابيض واعيش
مع زوج احبه حالي حال اي بنت في عمري وحملوني مسؤليه وانا مو قدها خمس
شهور متزوجه شكلا فقط بس كرههت امي هي السبب في الي انا فيه واذا اتصلت
تبي تطمئن علينا اقول لها اطمئني الشغاله قايمه بواجبها زين ولا تقلقي على عيال بنتك
واكلمها من غير نفس واذا قال يبي ينزل الرياض ودي اقول له لا ما ابي
عشان ما اشوف امي بس ما اقدر اتكلم معه في اي شي بس اسمع اوامره
وانفذها كأني شغاااله ابي طريقه تخليني ارتاح واتأقلم مع وضعي واترك البكي كل يوم لازم
ابكي واحزن على وضعي واقول ليش صار لي كذا ودي ارضى بالقدر الي صار لي
بس ما اقدر انصحوني وحسو بيا وصلت للانتحار ما بموت كافره كمان
