تجربتي بخلطة الحنة والبصل لبنتي لاتفوتكم

اهتمي بصحة شعرك , تجربتي بخلطة الحنة والبصل لبنتي لاتفوتكم

الحنة لوحدها تغذي الشعر ومع اضافة البصل تساعد علي فرد الشعر

وتغذية الاطراف

عرفت خلطة من احدي الموقع حنة وبصل وحدة كتبتها والله بيركلها وين

ماتروح ربي يوفقها لانو فعلا فادتني لشعر بنتي مررة شكرا مش فاكرة

اسم العضوة للأسف بس ربي يوفقها ويرزقها بعد ماخلاص فقد الامل

بشعر بنتي مانفع معاها ولاخلطات لا بزيوت ولاخلطات حنة ولا شي

اول شي بقلكم شعر بنتي ناعم ولله الحمد وانا غرضي مو انه اخلية

ينعم لا ابغاه يكثر لانو ياقلبي عليها عمرها 4سنوات ومرة خفيف شعرها

الراس بانت ولما امشط لها المشط يحك براسها من قلة شعرها الشعر

ملمسة ناعم ماشاءلله لكن فية تموجه من تحت بس وخفيف وماهو

طول واحد المهم اني خلاص قلت بجرب هذي الخلطة ان كان نفع

فالحمدلله وان كان لا عليا العوض بشعرها اصبح غامق تجربتي مع

الخلطة ذي والي تغير بشعرها صار مفرود ماشاءلله اللفلفله راحت

اصبح انعم وبدأ يكثر الحمدلله لكن لسى ماوصلنا للكثافه المطلوبه

حلمي اشوف البكله تطير من شعرها البكله اوسع من شعرها والله

المستعان بس الحين الحمدلله تحسن والكل يسألني وش الي مغير

بشعر بنتي وقلت لهم على الخلطة ولكن لسع قدامنا مشوار

والحمدلله تحسن عن اول بنسبة 100 ب 100 لكن ابغاه يتقل اكثر

ودي اشوف البكله تنقطع من كثر الكثافه ههههههههه المدة كانت

اسبوعين يوم ايوة ويوم لا والحين رجعت سويته

الطريقه للي مو عارفينها

جيبي طبق عميق

خذي بصله متوسطة او كبير قطعيها ارباع حطيها بالصحن خذي بيددك

حفنة حنة ميه 3 كوب وصبيها عليهم وحركيها بالملعقه عشان الحنة

يذوب ضعيها من الليل عشان تتنقع

واليوم الثاني صفيها وخذي مويتها ……. طبعا هتكون الخلطة مش

لاثقيلة ولا وسط موووية مرة عندك طريقتين ياتتروشين فيها بالحمام

قبل الشامبو ا تحطينها وتجلسين بها كم ساعه

وانا ااضعها لبنتي وهي نايمه لانو لما تكون صاحية ماترضى ماتحب الحنه

وهي نايمة احط لها بشعرها وامشط لها وادلك الفروة بالمشط ومن الشعر

الي عند حواف الجبهه تكون خفيفه احط فيها المهم اني اغرق شعرها مررة

والفه لها بكيس وطبعا اسويها لها بكل هدوء عشان لاتصحى

تصدقون شغالة امي السرلنكية تقلي دايما البصل والحنة مرة حلو للشعر

وماشاءلله شعرها يجنن كانها لابسه باروكة طويل والشعر من الجبهه مزروع

واقلها كيف شعرك كذا تقلي بصل وحنة بس دايم اتروش فيها

تقول حتى زمان كانت تشتغل عند حرمة وبدت تصلع من قدام قالت افركيه

بحنة وبصل منقع تقول رجع الشعر وصار كثير ..

هذي تجربتي فيها وامس نقعت واليوم بحط لبنتي ان شاءلله